Instruction for organizing High-Rise Construction Projects
အကြောင်းအရာ။ Design များပြောင်းလဲမှုရှိပါက တင်ပြပေးပါရန် အကြောင်းကြားခြင်း။
၁။ အထက်အကြောင်းအရာပါကိစ္စနှင့် ပတ်သတ်၍ ဆောက်လုပ်ရေးစီမံကိန်း Project များအနေဖြင့် Architecture, Structure, Electrical, ACMVနှင့် Sanitary Design များအား HPBC ၏ ထောက်ခံချက်ပေးထားသော Design Drawing များအတိုင်း တည်ဆောက်ခြင်းမဟုတ်ဘဲပြောင်းလဲမှုများ ရှိလာပါက မည့်သည့်ပြောင်းလဲမှုမျိုးကို မဆို HPBC သို့အချိန်နှင့် တပြေးညီ သတင်းပို့ တင်ပြပေးရန် လိုအပ်မည်ဖြစ်ပါသည်။
၂။ ယင်းသို့ တင်ပြရာတွင် အောက်ဖော်ပြပါပြောင်းလဲမှု (Minor Changes) များဖြစ်ပါက သက်ဆိုင်ရာ Professional Engineer (PE) များ၏ပြောင်းလဲမှုကို တာဝန်ခံကြောင်း လက်မှတ်နှင့်အတူ ပြောင်းလဲပြင်ဆင်ထားချက်များအား ဆောလျင်စွာတင်ပြပေးလျှင် HPBC မှ လိုအပ်သော စိစစ်မှုကို အမြန်ဆုံးပြုလုပ်ပေးပြီး လက်ခံအတည်ပြု ကြောင်းအကြောင်းကြားစာ ပြန်လည်ပေးပို့ ပါမည်။
Example for Minor Changes:
- Changing parts of Internal Layout Plan (eg., Kitchen to Pantry), etc,…
- Strutting Layout Plan, Construction Sequence, etc ,…
- Rebar Diameter, Rebar Area, Steel Grade, Concrete Grade, Utility Opening, etc,…
- Tray, Trunking & DB Layout Plan, Lighting Layut Plan, Power Layout Plan, Earthing System (TT, TN-S), etc, …
- Cooling Load, Air-Con Design, Service Rooms Mechanical Ventilation, Equipment Schedule, etc, ..
- Change location of Tube Wells, Ground Tank, Roof Tank, WAter Pump Room, etc, ..
- Changing a part of Waste water Treatment Plant System (eg. From manual to auto system, changing supporting equipments etc,…)
၃။ အထက်ဖော်ပြချက်များ မဟုတ်သောပြောင်းလဲမှု (Major Changes) များ ဖြစ်ပါက ယခင်လုပ်ငန်းစဉ်များအတိုင်း သက်ဆိုင်ရာ ဌာနဆိုင်ရာအဖွဲ့အစည်း ( YCDC, MCDC ,…) များသို့ တင်ပြခြင်းကို ဆောင်ရွက်ရန်ဖြစ်ပြီး HPBC သို့လည်း ပြောင်းလဲမှုများအား ကြိုတင်စစ်ဆေးမှုပြုနိုင်ရန် ပြောင်းလဲသွားသော Design Document များကို သက်ဆိုင်ရာ PE များ၏ လက်မှတ်အပြည့်အစုံဖြင့် တင်ပြပေးရမည် ဖြစ်ပါသည်။ ယင်း ကြိုတင်စစ်ဆေးမှုများသည် HPBC အနေဖြင့် လုပ်ငန်းလျင်မြန်စေရေးကို ရှေ့ရှု၍ ကြိုတင်ဆောင်ရွက်ပေးခြင်းသာဖြစ်ပြီး ဌာနဆိုင်ရာ အဖွဲ့အစည်း ( YCDC, MCDC ,….) များမှာ Major Changes များကို အတည်ပြုကြောင်း အကြောင်းကြားမှသာ HPBC မှ Revised Design ထောက်ခံချက်များ ထုတ်ပေးမည်ဖြစ်ကြောင်း သိစေအပ်ပါသည်။
၄။ ဆောက်လုပ်ရေးကုမ္ပဏီများအနေဖြင့် အထက်ဖော်ပြပါ Design ပြောင်းလဲမှုများ ရှိနေသော်လည်း သက်ဆိုင်ရာ အဖွဲ့အစည်း (သို့မဟုတ်) HPBC သို့တင်ပြထားခြင်းမရှိဘဲ ပြောင်းလဲတည်ဆောက်နေပြီး HPBC မှ Site Inspection သွားရောက်စစ်ဆေးမှသာ သိရှိရပါက စည်းမျဉ်း စည်းကမ်းများနှင့်အညီ ထိရောက်စွာအရေးယူ ဆောင်ရွက်သွားမည်ဖြစ်ကြောင်း ထပ်ဆင့်အသိပေး အကြောင်းကြားအပ်ပါသည်။
အကြောင်းအရာ ။ အထပ်မြင့် အဆောက်အအုံ တည်ဆောက်ရေးစီမံကိန်းများ လိုက်နာဆောင်ရွက်ရန် အကြောင်းကြားခြင်း။
အထက်အကြောင်းအရာပါကိစ္စနှင့် ပတ်သတ်၍ အထပ်မြင့်အဆောက်အအုံတည်ဆောက်ရေး လုပ်ငန်းများအနေဖြင့် အောက်ပါအချက်များအား မပျက်မကွက်ဆောင်ရွက်ရန် အကြောင်းကြားပါသည်။-
၁။ Design
Structural Analysis ပြုလုပ်ရာတွင် Dynamic Analysis ဖြင့်ဆောင်ရွက်ရန်။
၂။ Construction
Rebar လုပ်ငန်းဆောင်ရွက်ရာတွင် Stirrups and Hoop များအား 135 Degree ကွေးရန်။
၃။ Piling
Pile Installation လုပ်ငန်းဆောင်ရွက်ရာ၌ Piling Record တွင် Pile Eccentricity များကိုပါ ပူးတွဲတင်ပြရန်။
အကြောင်းအရာ ။ P.E များအနေနှင့် CQHP တွင် National Counterpart အနေနှင့် ဆောင်ရွက်ခွင့်ပြုခြင်းကိစ္စ။
ရည်ညွန်းချက် ။ CQHP ၏ (၁၁.၆.၂၀၁၅) ရက်စွဲပါ စာအမှတ် ၊ O – ၃၉၁ / CQHP / ၂၀၁၅။
၁။ ယခင်က CQHP ၏ National Counterpart ထားရှိသောစနစ်ကို အသုံးပြုခဲ့ပါသည်။ National Counterpart အဖြစ် ဆောင်ရွက်လိုသူတို့ကို CQHP မှ လူတွေ့ စစ်ဆေး၍ မှတ်ပုံတင်ခွင့် ပြုထားခဲ့ပါသည်။
၂။ ယခုအချိန်မှစ၍ CQHP အနေနှင့် အင်ဂျင်နီယာကောင်စီမှ P.E လက်မှတ်ရရှိထားသော အင်ဂျင်နီယာများအား သက်ဆိုင်ရာဘာသာရပ် နယ်ပယ်အသီးသီးတွင် National Counterpart အဖြစ် လုပ်ကိုင်ခွင့်ပြုပြီးဖြစ်ပါသည်။
၃။ သို့ပါ၍ P.E လက်မှတ်ရှိထားပြီး P.E သက်တမ်းရှိနေသေးသူများသည် တာဝန်ယူနိုင်သော ဘာသာရပ်များတွင် National Counterpart အနေနှင့် ဆောင်ရွက်နိုင်ပါကြောင်း ဖော်ပြအပ်ပါသည်။ National Counterpart လုပ်ဆောင်မည့်သူများသည် CQHP ၌ လာရောက်စာရင်းသွင်းထားရန်နှင့် P.E လက်မှတ်မိတ္ထူတင်ပြရန်လိုအပ်မည် ဖြစ်ပါသည်။
၄။ အထက်ပါအချက်များအား ရည်ညွန်းချက်ပါစာဖြင့် ထုတ်ပြန်ထားပြီး ဖြစ်ပါသည်။ သို့ဖြစ်ပါ၍ ယခုသတ်မှတ်ချက်အား (၁.၁.၂၀၁၆)ရက်နေ့မှ စ၍ စတင်အရေးယူဆောင်ရွက်နေသည်ဖြစ်ပါကြောင်း အသိပေး အကြောင်းကြားအပ်ပါသည်။
အကြောင်းအရာ ။ CQHP သို့ တင်ပြလာသော အထပ်မြင့် အဆောက်အအုံများ၏ Architectural, Structuralနှင့် MEP Designer များသိရှိနိုင်ပါရန် အကြောင်းကြားခြင်း။
၁။ အထပ်မြင့်အဆောက်အအုံတည်ဆောက်ရေးစီမံကိန်းများ ကြီးကြပ်စစ်ဆေးရေးပညာရှင်အဖွဲ့မှာ Architectural Designer များအား CQHP သို့ Architectural Design များ တွက်ချက်တင်ပြလာသောအခါ S.L.A ရရှိပြီးသော Designer များ၏ လက်မှတ်ဖြင့်သာတင်ပြပါရန် အသိပေးပြောကြားခဲ့ပြီး ဖြစ်ပါသည်။
၂။ ကုမ္ပဏီများ၊ Structural Designer များနှင့် MEP Desinger များအား အိုးအိမ်ရုံးအစည်းအဝေးခန်းမ၌ (၅.၁၀.၂၀၁၅) ရက်နေ့တွင် CQHP ၏ Check Lists ကိစ္စနှင့် ပတ်သတ်၍ တွေ့ဆုံဆွေးနွေးရာတွင် Structural Designer များနှင့် MEP Designer များသည် CQHP သို့ Structural Design နှင့် MEP Design များတွက်ချက်တင်ပြလာသောအခါ P.E ရရှိပြီးသော Designer များ၏ လက်မှတ်ဖြင့်သာ တင်ပြပါရန် အသိပေးပြောကြားခဲ့ပြီး ဖြစ်ပါသည်။
၃။ ယင်းသတ်မှတ်ချက်အား(၁.၁.၂၀၁၆) ရက်နေ့မှာ စတင်အရေးယူ ဆောင်ရွက်လျှက် ရှိကြောင်းထပ်မံအသိပေးအပ်ပါသည်။
အကြောင်းအရာ။ Presentation ပြုလုပ်သော ကုမ္ပဏီများအနေဖြင့် သက်ဆိုင်ရာဒီဇိုင်းတွက်ချက်မှု စာရွက်စာတမ်းများအားကြိုတင် တင်ပြပေးပို့ရန်ကိစ္စ။
အထက်အကြောင်းအရာပါ ကိစ္စနှင့်ပတ်သတ်၍ အထပ်မြင့်အဆောက်အအုံတည်ဆောက်ရေး စီမံကိန်းများ ကြီးကြီးစစ်ဆေးရေးပညာရှင်အဖွဲ့သို့ လုပ်ငန်းအဆင့်အလိုက် Design Review လုပ်ငန်းဆောင်ရွက်ရန်တင်ပြလာသော စီမံကိန်းများအနေဖြင့် သက်ဆိုင်ရာ ဒီဇိုင်းတွက်ချက်မှုများအား လုပ်ငန်းအဆင့်အလိုက် တင်ပြရန်သတ်မှတ်ထားသော စာရွက်စာတမ်းများနှင့် Presentation အစီအစဉ်ကို Presentation ပြုလုပ်မည့်ရက်မတိုင်မီ အနည်းဆုံး(၃)ရက်ကြိုတင် တင်ပြပေးပို့ရန် အကြောင်းကြားပါသည်။
အကြောင်းအရာ ။ (၁၂)ထပ်အောက် အဆောက်အအုံများနှင့် ပတ်သတ်၍ အကြောင်းကြားခြင်း။
ရည်ညွန်းချက် ။ ဆောင်လုပ်ရေးဝန်ကြီးဌာန၏ (၁၁.၁၂.၂၀၂၀) ရက်စွဲပါ စာအမှတ် ၁၅/ဌာနခွဲ- ၂ / HPBC / ၂၀၂၀ (စီ ၂၀၁၅)။
၁။ အထက်အကြောင်းအရာပါ ကိစ္စနှင့်စပ်လျဉ်း၍ ဆောင်လုပ်ရေးဝန်ကြီးဌာနမှာ ရန်ကုန်တိုင်းဒေသကြီး အစိုးရအဖွဲ့သို့ပေးပို့သော ရည်ညွန်းချက်ပါစာ၌ (၁၂) ထပ်တွင်မြေအောက်ထပ် (Basement) များ ရှိလာပါကလည်းကောင်း၊ (၁၃)ထပ်နှင့် အထက် အသုံးပြုမည့် အများပြည်သူဆိုင်ရာ အဆောက်အအုံများကို လည်းကောင်း အထပ်မြင့်နှင့် အများပြည်သူသုံး အဆောက်အအုံတည်ဆောက်ရေးစီမံကိန်းများ ကြီးကြပ်စစ်ဆေးရေး ပညာရှင်အဖွဲ့မှ စစ်ဆေးဆောင်ရွက်သွားရန် ဆုံးဖြတ်အတည်ပြုထားကြောင်း ဖော်ပြထားပြီးဖြစ်ပါသည်။
၂။ ယခုအခါတွင်လည်း (၅.၅.၂၀၂၂) ရက်နေ့တွင် ကျင်းပသော HPBC အမှုဆောင်ကော်မတီ အစည်းအဝေးအမှတ် ( ၄ / EC / HPBC / ၂၀၂၂) ဆုံးဖြတ်ချက်အရ (၁၂) ထပ်အောက် အဆောက်အအုံများဖြစ်သော်လည်း သက်ဆိုင်ရာကုမ္ပဏီများမှ ၎င်းတို့အဆောက်အအုံများ၏ စံချိန်စံညွန်းပြည့်ဝပြီး ခိုင်ခံ့မှု ၊ အရည်အသွေး ကောင်းမွန်မှုများရှိစေရန်အတွက် ကြီးကြပ်စစ်ဆေးမှုများ ခံယူလိုပါက HPBC တွင် သီးခြားလာရောက် တင်ပြပြီး Design စစ်ဆေးခြင်းများ ဆောင်ရွက်နိုင်ပါကြောင်း အသိပေးအကြောင်းကြားအပ်ပါသည်။ စစ်ဆေးပြီးစီး၍ သတ်မှတ်စံချိန်စံညွန်းများနှင့် ကိုက်ညီပါက ဤအဖွဲ့၏ထောက်ခံချက် Certificate ထုတ်ပေးမည် ဖြစ်ပါသည်။
၃။ သို့ဖြစ်ပါ၍ Design လာရောက်စစ်ဆေးမှုခံယူလိုပါက ဆောင်လုပ်ရေးလုပ်ငန်းများ မစတင် ရသေးသော အဆောက်အအုံအနေဖြင့် HPBC Manual ပါ Document Submission Checklists များအတိုင်း တင်ပြရန်လိုအပ်ပြီး တည်ဆောက်ဆဲ (သို့မဟုတ်) တည်ဆောက်ပြီး အဆောက်အအုံများဖြစ်လျှင် သက်ဆိုင်ရာ PE, RSE, SLA, LA လက်မှတ်ထိုးထားသော Architectural & Structural Drawings / Document များအား ပူးတွဲပါ Document Submission Checklists အတိုင်း ပြည်စုံစွာတင်ပြရန် လိုအပ်ပါသည်။ အထပ်မြင့်အဆောက်အဦးများအတွက် ပုံမှန်စစ်ဆေးခဖြစ်သော တစ်စတုရန်းပေးလျှင် ကျပ်(၁၀၀)နှုန်း ကောက်ခံမည့်အစား (၁၂)ထပ်အောက်အဆောက်အဦးများအတွက် စစ်ဆေးခကို တစ်စတုရန်းပေလျင် ကျပ်(၈၀)နှုန်းဖြင့် ဆောင်ရွက်ပေးသွားမည်ဖြစ်ကြောင်းလည်း အသိပေးအကြောင်းကြားအပ်ပါသည်။
အကြောင်းအရာ ။ MNBC 2020 အား လိုက်နာကျင့်သုံးရန် အကြောင်းကြားခြင်း။
ရည်ညွန်းချက် ။ ဆောက်လုပ်ရေးဝန်ကြီးဌာန၏ (၁၅.၁၀.၂၀၂၀) ရက်စွဲပါစာအမှတ် ၊ ၁၁ / ဌာနခွဲ – ၂ / ဥပဒေ / ၂၀၂၀ (စီ ၁၈၀၅) ။
၁။ အထက်အကြောင်းအရာပါကိစ္စနှင့် စပ်လျဉ်း၍ Myanmar National Building Code – 2016 ( English Version) အားသက်ဆိုင်ရာ Technial Working Group များမှ တိုးတက်ပြောင်းလဲလာသည့်နိုင်ငံတကာစံနှုန်းများနှင့် အညီလိုအပ်သည်များပြင်ဆင်ဖြည့်စွက်ပြုစုခဲ့ရာ Myanmar National Building Code – 2020 (English Version)နှင့်မြန်မာဘာသာပြန်ဆိုခြင်းအား ၂၀၂၀ ခုနှစ် ၊ မတ်လ အတွင်းတွင် ပြီးစီးခဲ့ပါသည်။
၂။ အဆိုပါ Code အသုံးပြုမှုနှင့် စပ်လျဉ်း၍ ဗဟိုအဆင့်အဖွဲ့အစည်းများ ၊ ပြည်ထောင်စုဝန်ကြီးဌာနများ ၊ နေပြည်တော်ကောင်စီ ၊ နေပြည်တော် စည်ပင်သာယာရေးကော်မတီ ၊ ရန်ကုန်မြို့တော် စည်ပင်သာယာရေးကော်မတီနှင့် မန္တလေးမြို့တော် စည်ပင်သာယာရေးကော်မတီများကို ဆောက်လုပ်ရေးဝန်ကြီးဌာန၏ (၁၄.၁၀.၂၀၂၀) ရက်နေ့စွဲပါ စာအမှတ် ၊ ၁၁ / ဌာနခွဲ – ၂ / ဥပဒေ / ၂၀၂၀ (စီ ၁၈၀၄) ဖြင့် ဖြန့်ဝေအကြောင်းကြားထားပြီး ဖြစ်ပါသည်။
၃။ အထပ်မြင့်နှင့် အများပြည်သူသုံး အဆောက်အအုံတည်ဆောက်ရေး စီမံကိန်းများ ကြီးကြပ်စစ်ဆေးရေး ပညာရှင်အဖွဲ့သို့လည်း ဆောက်လုပ်ရေးဝန်ကြီးဌာနမှ MNBC – 2020 အား ၂၀၂၀ ခုနစ် ၊နိုဝင်ဘာလ (၁) ရက်နေ့မှစ၍ အဆောက်အအုံတည်ဆောက်ရေးလုပ်ငန်းများဆောင်ရွက်ရာတွင် လိုက်နာဆောင်ရွက်စေရေးအတွက် ထပ်ဆင့်ညွန်းကြားပေးပါရန် ရည်ညွန်းချက်ပါစာဖြင့် အကြောင်းကြားလာပါသည်။
၄။ သို့ဖြစ်ပါ၍ အထပ်မြင့်နှင့် အများပြည်သူသုံး အဆောက်အအုံတည်ဆောက်ရေးစီမံကိန်းများ ၊ ကုမ္ပဏီများ ၊ External Insepction Expert Team များအနေဖြင့်ညွန်ကြားချက်အတိုင် လိုက်နာဆောင်ရွက်သွားပါရန် ထပ်ဆင့်အကြောင်းကြားပါသည်။